Sheekh Mukhtaar Roobow Abu Mansuur oo baaq u diray shacabka Bay iyo Bakool

Diinsoor:-Sheekh Mukhtaar Roobow Cali Abu Maansuur oo ka mid ah saraakiisha sar sare ee Ururka Al-Shabaab ayaa wacad ku maray in ay sida ugu dhaqsaha badan ay u qabsan doonaan magaalada Baydhabo ee xarunta gobalka Bay

Sh Abu Mansuur ayaa isaga oo ka hadlay fagaaro ku yaal Degmada Diinsoor ee gobolka Bay waxaa uu sheegay in Ciidamada Ethiopia iyo kuwa Soomaalida ah ee la socda  ay dhibaato badan ku hayaan shacabka Baydhabo wuxuuna sheegay in aysan u dulqaad doonin degdegna ay u gali doonaan magaalada Baydhabo.

Ciidamada Al-Shabaab ayaa shalay ku soo bandhiga Degmada Diinsoor hal askari oo Itoobiyaan ah oo ay dagaal ku qabteen Ciidamada Al-Shabaab dagaalkaas oo ka dhacay deegaanka Yurkud.

Sheekh Mukhtaar Roobow Abu Mansuur ayaa ka hadlay dagaalkii ka dhacay deegaanka Yurkud ayaa sheegay in ay si fiican u xanuujiyeen ciidamada Itoobiya khasaaro balaarana ay gaarsiiyeen wuxuuna ugu baaqay shacabka Bay iyo Bakool in aysan ku kadsoomin mala awaalka ciidamada Itoobiya iyo kuwa DFKM isaga oo ka dalbaday in ay garab istaagaan  Al-Shabaab.

C/casiis Maxamed
Halgan.net