Wasiirka arrimaha dibedda ee Kenya Moses Wetangula oo Muqdisho soo gaaray

Muqdisho:-Wafdi uu horkacayo wasiirka arrimaha dibedda ee dalka Kenya Moses Wetangula ayaa soo gaaray maanta  magaalada Muqdisho waxaana ku soo dhaweeyey garoonka Diyaradaha ee Aden Cadde madax ka tirsan DFKM.

Wasiirka arrimaha dibedda ee dalka Kenya Moses Wetangula oo si qarsoodi ah ku yimid magaalada Muqdisho ayaa waxaa ku soo dhaweeyey garoonka Aden Cadde Raisulwasaaraha DFKM Pro.Cabdi Weli Maxamed Gaas iyo Sahriif Xasan Sh Aden Gudoomiyaha Baarlamaanka DFKM

Ilaa haatan si rasmi ah looma shaacin ujeedada dhabta ah ee socdaalka Wasiirka arrimaha dibedda ee dalka Kenya Moses Wetangula xili ciidamada dalkiisa  ay si rasmi ah ugu biireen kuwa AMISOM.

Wasiirka arrimaha dibedda ee dalka Kenya Moses Wetangula ayaa waxaa kale oo kulan la yeeshay saraakiisha sare ee ciidamada AMISOM waloow aan si rasmi ah loo shaacin waxa ka soo baxay kulankaas wuxuuna kulanka ka dib u baqooli doonaa dalka Jabuuti.

A/Cawale
Halgan.net