Ciidamo ka socda dalka Burundi oo gaaray magaalada Kismaayo

Kismaayo:-Waxaa saaka gaaray magaalada Kismaayo ee xarunta gobolka Jubada hoose ciidamo ka socoda dalka Burundi ee AMISOM oo tiradoodu gaarayso ilaa 90 askari  oo ka socda iyadoo ciidamada Burundi ee la qorsheeyey in la geeyo magaalada Kismaayo ay tiradoodu gaarayso ilaa 179 oo ku biiri doona ciidamada Kenya iyo Sierra Leone oo horay ugu sugnaa Kismaayo.

Intii aysan ciidamadaan ka socda Burundo aysan imaan magaaada Kismaayo ayaa maalm ka hor  waxaa magaalada Kismaayo soo gaaray Saraakil ka socda AMISOM oo gogol xaar u ahaa imaanshah ciidanka Burundi. Shir dhexmaray madaxda ka tirsan Midowga Afrika iyo Maamulka Jubba iyo dowladda Federaalka Soomaaliya ayaa waxaa hishiis ka dhacay dalka Itoobiya lagu gaaray in magaalada Kismaayo la geeyo ciidamo isku dhaf ah oo ka tirsan AMISOM.

Wararka hoos  ayaa sheegay in ciidanka Itoobiya oo dhawaan ka mid noqday AMISOM la filayo in ay qayb ka noqdaan ciidamada AMISOM ee isku dhafka ah ee la geynayo magaalada Kismaayo ee xarunta gobolka jubada Hoose.

A/cawaale
Halgan.net