Inxiraafku waxaa uu ku bilowdaa Tartiib Tartiib W/Q Maxamed Aadan

Muqdisho:-Insha Allah waxaan rabaa in yar in aan ku bidhaamiyo labo qiso oo gaagaaban sidda inxiraafku yaraan ugu bilaabmo ilaa u gaaro meeshii u danbaysay. Qisada koowaad:– Dhamaadkii 2002da iyo bilowgii 2003da markii uu aasaasmaayay ururka Al-shabaab ayaa waxaa ay saraakiishii aasaastay qabanaayeen shirar magaalada Muqdisho, shirarkaas intabadan waxaa lagu qabanaayay labo guri oo ka mid ah guryaha raga aasaasay ururka, shirarkaas waxa lagula kulmaayay raga wadaadada si loogu qanciyo ururkan cusub ee Al-shabaab, raga waxay u qaabili jireen mid mid ama labo labo amaba mararaka qaar ka badan, maalin maalmaha ka mid ah ragii ay u yeereen madaxdii shabaabaka mid ka mid ah waxaa uu waydiiyay su,aal ah, (howshaan aad bilaabaysaan culimadii ictisaam ka ma idinla ogyihiin wax aysan culimadii wax ka wadina intay gaari doonaan) waxaa su,aashaa ka jawaabay Fu,aad Shangole oo ka mid ahaa raggii meesha fadhiyay ee dadka u yeeraayey ee ahaa aasaasayaashii Al-shabaab, waxaa uu yiri (”Howshaan jihaadka ah ee aan hadda bilaabayno culimada way ka gaabiyeen, ayaga un baan hor dhac u nahay culimada, warka ayuu sii waday waxaa uu yiri haddii nala waydiiyo aaway culimadiinii waxaan leenahay rabiyow waxaan u soo deg degnay raali gelintaada culimadiina waa nadaba socdaan) وعجلت اليك ربي لترضى waxaa uu aqriyay aayadaa, ilaa uu gaaray inxiraafka shabaabka in culimadii ay sidaas oranayeen ay dilaan ayagoo masaajid ku jira oo rukuucsan dilkoodaasna allah ay ugu dhawaanayaan.

Qisada labaad:-markii ay bilaabaayeen dadkii isku jirka ahaa kacdoonkii looga soo horjeeday amiirul mu,miniikii cismaan (ALLAHAA KA RAALI NOQDEE) waxay ku bilaabeen amiirkaan aadaynaa waa u naseexeenaynaa intaan sii soconana dadkaan kheyrka u sii sheegaynaa oo munkarkaan reebaynaa macruufkaan amraynaa, ugu danbaystii markii ay Madiino yimaadeen safar dheer ka dib waxay ku soo gaba gabeeyeen in ay amiirul mu,miniinkii Cismaan Bin Cafaan ay dilaan.

Labadaas qiso ee gaagaaban waxay noo muujinaysaa sidda uu inxiraafku ugu bilaabmo yaraan ka dibna u kobco ilaa uu gaaro meeshii ugu danbaysay, waxay kaloo noo muuji naysaa dad kaste oo is abaabulo oo ka tago culimada iyo waxgaradka kale in ay khasaaro iyo inxiraaf ummada u horseedaayaan, ummadan waxaa indho u ah wax garadkeeda oo ay culimda u horayso, haddii ay koox is abaabusho iyagoo culimadii iyo waxgardkii kalena isaga taga natiijadaas labada qiso ka soo baxday ayaa soo baxayso.

W/Q Maxamed Aadan Abdille Waadi
Halgan.net