Maraykanka oo lacag dul Dhigay 3 xubnood oo ka Tirsan ururka Al-Shabaab

Garoowe:-Wasaaradda arrimaha dibadda ee Maraykanka  ayaa waxaa ay Abaalmarin lacageed duldhigtay ilaa 3 xubnood oo la sheegay in ay ka tirsan yihiin Al-shabaab, waxaana la dul dhigay lacag gaaraysa ilaa $ 3 million oo dollarka Maraykanka ah.

Saddexda xubnood ee lacagta la dul dhigay ayaa dowladda Maraykanku waxaa ay amartay in la soo xiro waxaana ay magacyadooda ku sheegeen Abdikadir Mohamed Abdikadir , Wasiirka , iyo Yasin Kilwe . Yasin Kilwe waa madax Al-Shabaab ee Puntland ee waqooyiga Soomaaliya waxaan xilkaas u soo magacaabay Amiirka Al-shabaab Axmed Cabdi Godane,Yasin Kilwe ayaa in mudo ah waxaa uu u xirnaa maamulka S/lland oo markii danbe siidaayey.

Xubnaha lacagta la duldhigay waxaa ka mid ah Abdikadir , oo loo yaqaan Ikrima , wuxuu ku dhashay dalka kenya 1979 .Ikrima ayaa lagu eedeeyey in uu ahaa masuulkii fududeeyey in dhalinyaro badan oo reer Kenya ah ay askar u noqdaan ururka Al-shabaabka dibna ay ka dagaalamaan gudaha Soomaaliya.

Qof saddexaad ee lacagta la duldhigay ayaa waxaa magaciisa lagu sheegay Jafar , waxaan loo yaqaan Cammaar waa fududeeye al -Shabaab waxaan uu ahaa ku xigeenka  Abdikadir Mohamed Abdikadir.

Xubanaha lacagta la duldhigay ayaa waxaa lagu eedeeyey dilal iyo qaraxyo ka dhacay 2006-dii laguna bartilmaamsaday shaqaalo gargaar, Ciidanka AMISOM , waxaa kale oo lagu eedeeyey in ay fuliyeen qaraxyadii ka dhacay  dalalka Kenya iyo Ugandha.

Dowladda Maraykanka ayaa waxaa ay ku eedeysay ururka Al-shabaab in ay khatar ku yihiin xasiloonida iyo amaanka Geeska Afrika iyo Maraykanka ka dib markii ururka Al-shabaab ay ku biireen Ururka Al-Qacida Bishii Febraayo 2012. Halkaan ka akhri Qoraalka Wasaaradda arrimaha dibadda ee Maraykanka ka soo baxay

Amiirka Al-Shabaab Axmed Cabdi Godane ayaa horey u laayey rag badan oo ka tirsanaa Al-Shabaab kuwaas oo isigu jiray Soomaali iyo Muhaajiriin waxaana lacag aad u tiro badan duldhigay dowlada Mareykanka waxaana u danbeeyey raga uu dhagarta ku dilay Axmed Godane Abu Mansuur Al-Amriki oo ka mid ahaa rag uu aad u raadinayey Mareykanku.

A/Cawale
Halgan.net