Safaaradda Soomaaliya ee Ankara oo soo dhoweyn u sameysay diblomaasiyiin da’yar oo tababar u jooga Turkiga.[Masawiro]

Ankara:-Safiirka Jamhuuriyadda Federaalka Soomaaliya  u qaabilsan Jamhuuriyadda Turkey ambassador  Mohamed Mursal Sheikh Abdirahman ayaa ku soo dhoweeyay dhismaha Safaaradda Soomaaliya ay ku leedahay Caasimadda Ankara diblomaasiyiin da’yar oo tababar uga soconaya  maalintii Seddexaad akadeemiyadda diblomaasiyadda ee Wasaaradda Arrimaha Dibadda Turkiga.

Diblomaasiyiintani da’da yar ayaa ka hor inta aaney booqan dhismaha Safaaradda , waxa ay casha sharaf la wadaageen danjire Mohamed Mursal iyo qaar ka mid ah diblomaasiyiinta Safaaradda , halkaasoo labada dhinac ay isku dhaafsadeen aragtiyo ku saleysan horumarinta iyo u adeegidda ummadda Soomaaliyeed.

Diblomaasiyiintani da’da yar ayaa saacadihii koobnaa ee ay ku sugnaayeen dhismaha Safaaradda ayaa waxaa loogu soo bandhigay qalab isgaarsiin oo Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya ay leedahay , kaasoo la qorsheynayo in qeyb ka mid ah lagu rakibo Xarunta Wasaaradda ee Caasimadda Muqdisho , halka qalab la mid ah qalabkaasi oo ku lamaansan , hab wadaagna ula shaqeyn doona lagu rakibi doono dhismaha Safaaradda , waxaana Wasaaradda , Safaaradaha, Qunsuliyadaha guud iyo ergada joogtada ay ku wada xiriiri doonaan qalabkaasi si ka casriyeysan isgaarsiinta kale .

no images were found

Wasaaradda Arrimaha Dibadda iyo Iskaashiga Caalamiga ayaa qorsheyneysa in si rasmi ah qaar ka mid ah howlwadeenadeeda ay ugu tababarto howlgelinta iyo daryeelidda qalabkaasi .

Xafiiska Qeybta Warbaahinta iyo Xiriirka Bulshada ee Wasaaradda
Section of Press and Public Relations
Follow us on Twitter and Connect to our Facebook page
https://www.twitter.com/mofasomalia
https://www.facebook.com/mofa.somalia