Sh.Maxamed Cabdi Umal oo socdaal dacwo ku aaday magaalada Jigjiga

Nairobi:-Sh.Maxamed Cabdi Umal oo ka mid ah culimada waaweyn ee dalka Soomaaliya kuna nool dalka Kenya gaar ahaan magaalada Nairobi ee caasimada dalka Kenya ayaa xalay safar dacwo ku aaday dhulka dowladda deegaanka Soomaaliya isagoo u sii hakan doono magaalada Addis Ababa ee caasimada dalka Itoobiya.

Sh.Maxamed Cabdi Umal ayaa la filayaa in socdaal dacwo ku maro dhamaan sagaalka Gobol ee dadka Soomaaliyeed ee degan yihiin isagoo ka jeedin doono muxaadaraad iyo wacyi gelin. Sh. Maxamed Cabdi Umal ayaa waxaa uu muxaadaraadka ugu horeeya la filayaa in uu ka jeediyey magaalada Jigjiga oo si weyn looga sugayo, waa safarkii ugu horeeyey oo uu Sheekh Umal uu ku tago dhulka dowladd degaanka Soomaalida ilaa intii Jabahaddii UWSLF ay heshiis la gaartay dowladda Itoobiya.

Dhulka dowladda degaanka Soomaalida ayaa waxaa horay safar dacwo ku tegay Sh Shibli waxaan uu maray deegaano badan isagoo Shiikhu uu ka akhriyey duruus uuna jeediyey muxaadaraad dad aad u fara badan ay ka soo qayb galeen. Safarka Sh. Maxamed Cabdi Umal uu ku tegayo dhulka Soomaali galbeed ayaan haddii alle idmo idiin soo gudbin doonaa iyo weliba muxaadaraadka iyo duruusta uu Shiikhu jeediyo haddii Alle idmo.

Halgan.net