Taliyaha ciidanka Dowladda Federaalka Soomaaliya oo soo gaaray Puntland

Gaalkacyo:-Taliyaha ciidanka booliska Dowladda Federaalka Soomaaliya Gen.C/xakiin Daahir Saacid ayaa saaka soo gaaray magaalada Gaalkacyo ee xarunta Gobolka Mudug isagoo ka soo degay garoonka diyaaradaha ee C/laahi Yuusuf Axmed. Taliyaha ciidanka booliska Dowladda Federaalka Soomaaliya ayaa waxaa ku soo dhaweeyey garoonka diyaaradaha ee C/laahi Yuusuf Axmed masuuliyiin ka tirsan maamulka Gobolka Mudug ee Puntland iyo Saraakiil ka tirsan ciidanka Puntland.

Taliyaha ciidanka booliska Dowladda Federaalka Soomaaliya Gen.Cabdixakiin Daahir Saacid ayaa la filayaa in uu u socdaalo magaalada Garoowe ee xarunta Puntland isagoo booqasho ku tegi doona Kuliyadda ciidanka Booliska Soomaaliyeed ee magalada Carmo. Ilaa hadda wax faahfaahin ah lagama hayo u jeedka socdaalka wafdiga uu hogaaminayo Taliyaha ciidanka Booliska Dowladda Federaalka Soomaaliya Gen.C/xakiin Daahir Saacid ay ku yimaadeen Puntland.

Socdaalka Taliyaha ciidanka Booliska Dowladda Federaalka Soomaaliya Gen.Cabdixakiin Daahir Saacid uu ku yimid Puntland ayaa ku soo beegmaysa xili xiriirka u dhexeeya Dowladda Federaalka Soomaaliya iyo Puntland uusan wanaagsanayn.

M_M_Deeq
Halgan.net