Xaflad xil wareejin ah oo Mu’asasada Al-Minhaaj oo ka dhacday magaalada Garoowe [Masawiro]

Garoowe:-Waxaa galabnimadii Jimcaha ka dhacday dabaqa sare ee masjidka Al-hudaa ee magaalada Garoowe xaflad ballaaran oo ay xilka kula kala wareegayeen maamulkii hore ee Mu’assasada Al-minhaaj faraca gobolka Nugaal iyo maamulka cusub.

Waxaa xafladda lagu casuumay xubnaha mu’assasada rag iyo dumarba, culimo, ganacsato iyo odayaasha dhaqanka.
Waxaa lasoo bandhigay intii xafladu socotay warbixintii mu’assasada iyo waxqabadkeedii, ka dibna waxaa erayo mahadcelin iyo dhiirrigalin ah kasoo jeediyey guddoomiyaha golaha shuurada Alminhaaj faraca Nugaal Sheekh Dalmar Guureeye, Guddoomiyaha jaamacadda bariga Afrika faraca Garoowe Sheekh Maxamuud Xaaji Yuusuf iyo cabdi X. Yuusuf (shuluco) oo ka mid ah waxgaradka magaalada.

no images were found

Waxaa goobta xilka kula kala wareegay guddoomiyihii hore Maxamed Cali iyo guddoomiyaha cusub Mukhtaar Axmed. Waa arin  farxad leh oo laga dheehan karo heerka ay dacwadu gaadhay iyo horumarka ay xaqiijisay, xafladduna waxay kusoo gabagabowday jawi farxad leh.

Hoos Ka Daawo Video-ga Xaflad xil wareejin ah oo Mu’asasada Al-minhaaj oo ka dhacday magaalada Garoowe

Mu’asasada Alminhaaj
Garoowe.Somalia