Madaxweyne ku xigeenka Puntland oo daahfuray dhismaha wajigii 2aad ee Dhismaha Wadada Ceeldaahir-Ceergaabo.[Masawiro/Video]

Ceeldaahir: 22 December 2020: Madaxweyne Ku-xigeenka Dowladda Puntland Mudane Axmed Cilmi Cismaan Karaash, ayaa maanta si rasmi ah u daah-furay wejiga labaad ee Dhismaha Wadada Ceeldaahir-Ceergaabo oo lagu bilaabay laami saarka.

Madaxweyne Ku-xigeenka ayaa bogaadiyey shaqada wanaagsan ee ay qabteen Wasaaradda Howlaha Guud, Guddigii ka shaqeynayay dhismaha wadada iyo guud ahaan dadweynaha reer Puntland oo kawada qeyb qaatay, wuxuuna muujiyay in Dowladda Puntland ay muhiimad gaar ah u leedahay wadadan.

Laami saarka wadada Ceeldaahir-Ceergaabo ayaa bilow u ah in laga guul gaaro mashruucan, oo ah kii ugu horeeyay ee noociisa ah oo laga hirgeliyo Puntland. Waana ka go’antahay Dowladda Puntland in sida ugu wanaagsan uguna dhakhso badan lagu dhameystiro mashruucan.

no images were found

=DHAMMAAD=
XAFIISKA WARFAAFINTA MADAXTOOYADA DOWLADDA PUNTLAND