Taliyaha ciidamada Booliska Puntland oo ka tacsiyeeyey Saraakiishii ku dhintay qarax ka dhacay Gaalkacyo

Garoowe:-Taliyaha ciidamada booliska dowladda PUNTLAND,General Cabdi Xasan Xuseen (Cabdi yare) ayaa Dhamaan saraakiisha iyo hawlwadeenada ciidamada Puntland waxay halkaan uga tacsiyaynayaan geerida ku timid qaar ka mid ah saraakiisha ciidamada Galmudug, Puntland, Soomaaliya iyo Dhamaan dadka ku haligmay qaraxii galabta ka dhacay koonfurta magaalada Gaalkacyo oo ay soo maleegeen dhagarqabayaasha u dhardhigtay gumaadka ummadda Soomaaliyeed.

Geeridu waa xaq qofwaliba dhadhaminayo,ma dhinte waa Allaah,waxaana alle uga baryaynaa dhamaan shuhadada dhimatay,naxariis iyo Janatu firdowsa, qoysaskii, ehelkii iyo dhamaan intey ifka uga tageena waxaan Rabi uga baryeynaa samir iyo iimaan inuu ka siiyo..Aamiin Aamiin.

Geesiyadda ciidamadda iyo saraakiishooduba,kama daali doonaan,la dagaalanka iyo ciribtirka nabad-diidka duulaanka qaawan ku ah Nabadda, Horumarka iyo Diinteena suuban.

Waxaan mar kasta ku boorinaynaa Shacab weynaha Soomaaliyeed inay garab istaagaan ilaalinta amniga dalka iyo dadkeena, lana shaqeeyaan goor kasta iyo goob-walba ciidamada iyo dhamaan hay’addaha dastuuriga oo ka shaqeeya ilaalinta, adkeynta iyo sugida nabadgelyadda, horumarka iyo wadajirka wadankeena hooyo.