Gudoomiyaha Gobolka Mudug oo ka tacsi yeeyey dilka Wariye Jamaal Faarax Aadan

Gaalkacyo:-Gudoomiyaha Gobolka Mudug Cabdiladiif Muuse Nuur oo ku hadlaya Afkiisa iyo kan Shacabka Gobolka Mudug ayaa waxa uu ka tacsiyeynayaa Geerida Allaha u naxariistee Wariye Jamaal Faarax Aadan oo caawa lagu dilay Magaalada Gaalkacyo.

Gudoomiyaha ayaa yiri ” Ilaahay ha unaxariisto Jamaal Faarax Aadan oo aan dhihi karo inuu ka mid ahaa haldoorada Gobolkan Mudug lahaa, waxaa uu ahaa saaxibkay safka horena igula jiray la dagaalanka xoogan ee aynu ku hayno kooxda naflacaariga ah ee Al-shabaab, geesi aan runta ka baqin bulshadana ka wacyi galiya dhagarta Khawaarijta, waxaa uuna ahaa Khabiir muda dheer ku jiray mihnada Saxaafada, marxalado adag oo uu dalkan soo marayna door wanagsan ka soo qaatay.

Ilaahay Janadiisa ha geeyo Samir iyo Iimaana haka siiyo Ehelkii, Qoyskii iyo dhamaan Bulshada Soomaaliyeed gaar ahaan Gobolka Mudug, laamaha amnigu waxay wadaan baari taano la xiriira dilka Marxuum Jamaal, cid kastoo ku cadaatana sharcigay wajihi doontaa insha allaaah.”

Xafiiska Warfaafinta iyo Xiriirka Warbaahinta
Maamulka Gobolka Mudug