Isbaheysi siyaasadeed oo cusub oo Muqdisho looga dhawaaqay.[Video]

Muqdisho:-Waxaa Magaaladda Muqdisho ee caasimada dalka Soomaaliya ayaa goor dhaweyd looga dhawaaqay Isbaheysi Siyaasadeed oo cusub,ayna ku mideysan yihiin Puntland, Jubaland, Midowga Musharraxiinta iyo Siyaasiyiinta ka soo jeeda Somaliland.

Isbahaysigan cusub ayaa waxaa loogu magacdaray MADASHA BADBAADO QARAN waxaan gudoomiye loo doortay guddoomiyihii Aqalka Sare Cabdi Xaashi , sababta Isnbahaysigaan siaasadeed loo sameyey ayaa waxa lagu sheegay, qabsoomida doorasho xalaal ah iyo in ay ka hortagaan in dalku galo faraaqa ama fashil siyaasadeed.

Kulanka oo ka dhacay Hotel ku yaal garoonka diyaaradaha ee magaalada Muqdisho ayaa waxaa hadal ka jeediyey Madaxweynaha Dowladda Puntland Mudane Siciid Cabdullaahi Deni, ee Kulanka Madasha Badbaado Qaran oo ay ku mideysan yihiin Dowladdaha Puntland iyo Jubaland, Midowga Musharixiinta Madaxweynaha Soomaaliya iyo Golaha Siyaasiyiinta ee Somaliland.

no images were found

Madaxweynaha ayaa ka hadlay marxaladda dalku marayo, isagoo xusay in muhim ay tahay in laga wada qeyb qaato badbaadinta qaranka Iyadoo ay Madashu tahay mid u furan cidkastoo door ka qaadanaysa badbaadinta qaranka iyo sidii dalkan dhakhso uga dhici lahayd doorasho lagu wada qanacsanyahay.

Dhinac kale Madaxweynaha Dowlada Jubaland Mudane Axmed Maxamed Islaam, ayaa ka qeyb galay shirka madasha Badbaadada Qaranka oo ka dhacay Magaalada Muqdisho. Madaxweynaha ayaa tilmaamay in howshan loo arkay inay xal ka noqon karto Xaalada cakiran ee Doorashada dalka, taas oo ilaa hada ay muuqato in aan lahaynin wado sax ah oo dalka lagu jihayn karo.

Wuxuu intaas ku daray Madaxweynahu in loo baahan yahay in si rasmi ah loogu diyaar garoobo sidii xal looga gaari lahaa kala aragti duwanaanshaha taagan iyadoo la eegayo danta Qaranka.

Madaxweynaha ayaa sheegay in madashan ay noqonayso mid jiho u bixisa dalka isla markana Xaalada halista ah ee uu ku jiro ka saarta.

M_M_Deeq
Halgan.net