Qarax ka dhacay Afafka hore ee Madaxtooyada Villa Soomaaliya

Muqdisho:-Wararka naga soo gaaraya magaalada Muqdisho ayaa sheegaya in goordhaw uu qarax ka dhacay afaafka hore ee Villa Soomaaliya xarunta Madaxtooyada ee DFKM waxaana qaraxa uu sababay dhimasho dhaawac.

Qaraxa ayaa ilaa iyo haatan waxaa ku dhintay  5 qof 10 kalana way ku dhaawacmeen sida ay sheegayaan warar hordhac ah  dadka dhintay iyo kuwa dhaawac ahba waxay isigu jiraan ciidamo ka tirsan DFKM iyo  dad rayid ah oo ku sugnaa makhaahi ku dhow Villa Soomaaliya.

Afhayeenka ciidamada AMISOM, Col. Paddy Ankunda ayaa isaguna sheegay in qaraxa ay ku dhinteen saddex qof oo uu ku jiray ninkii Qaraxa fuliyey .

Ururka Al-Shabaab ayaa sheegtay masuuliyda qaraxa ka dhacay agagaarka Villa Soomaaliya waxayna sheegeen in ay ku dileen askar badan oo ka tirsan ciidanka DFKM .

A/Cawale
Halgan.net