Gudoomiyaha baarlamaanka DFKM Shariif Xasan Sheekh oo gaaray magaalada Baydhabo

Baydhabo:-Wafdi uu hoggaaminayo afhayeenka baarlamaanka DFKM Shariif Xasan Sheekh Aadan ayaa saaka gaaray magalaada Baydhabo ee xarunta gobalka Bay waxaana socdaalkiisa ku weheliya xildhibaano ka tirsan golaha baarlamaanka DFKM

Shariif Xasan ayaa waxaa ku soo dhaweeyey garoonka diyaaradaha ee magaalada Baydhabo xubnaha ka tirsan maamulka gobolka iyo ka Degmada iyo saraakiil iyo xildhibaano ku sugnaa Baydhabo.

Shariif Xasan ayaa markii uu soo gaaray magaalada Baydhabo wuxuu qabtay shir jaraa’id wuxuuna sheegay in uu aad ugu faraxsan yahay isbadelka ka dhacay Baydhabo iyo guulaha ay gaareen ciidamada DFKM iyo kuwa Itoobiya wuxuuna si gaar ah ugu mahad celiyey ciidamada dalka Itoobiya ee haatan ku sugan Baydhab0.

Magaalada Baydhabo ee xarunta gobalka Bay ayaa waxaa haatan heysta ciidamada Itoobiya iyo kuwa DFKM waxaana dagaalo gaadmo ah ku soo qaada ciidama Al-Shabaab iyada oo marti u ah qaraxyo lala eeganayo ciidamada huwanta ah ee ku sugan Baydhabo.

C/Casiis Maxamed
Halgan.net