Guddoomiyaha Golaha Wakiillada Dawladda Puntland daah-furka Machadka Cilmi baarista iyo Tababarada ee KAAD

Guddoomiyaha Golaha Wakiillada Dawladda Puntland Mudane Cabdirashiid Yuusuf Jibriil oo ay wehliyaan Guddoomiye ku xigeenka 1aad Avv: Cabdicasiis Cabdullahi Cusmaan, Guddoomiye ku xigeenka 2aad Mudane, Ismaaciil Maxamed Warsame iyo Xildhibaan ka tirsan Golaha Wakiillada DPL, Wasiiro & Siyaasiyiin ayaa ka qeyb galay daah-furka Machadka Cilmi baarista iyo Tababarada ee KAAD kaas lagu kobcinayo karaanka aqoonta, xirfadaha iyo awoodda dadka.

Machadkaan oo ay aasaaseen koox aqoon-yahano & cilmi baarayaal isku fikir ah, kuwaasoo hore xilal uga soo qabtay Dawladda Puntland & Hay’adaha caalamig ah.

Guddoomiyaha Golaha Wakiillada Dawladda Puntland Mudane Cabdirashiid Yuusuf Jibriil oo daah-furay Machadkaan ayaa ammaanay cidkasta oo lahayd hal abuurkiisa, wuxuuna ku booriyey cidkasta oo dalka xil kasoo qabata inay marka ay ka degto dalka usii shaqayso.

Guddoomiyaha ayaa boogaadiyay muhiimada ay leedahay in Puntland ay hesho Machadkaan oo kale kaas oo ka shaqeeya Kaluumeysiga, Cilmiya Badda, Beeraha, Biyaha, dib u dhiska Kaabayaasha Dhaqaalaha iyo Horumarinta dhaqaalaha dalka.

no images were found

DHAMMAAD

Xafiiska Warfaafinta & Wacyi-gelinta,
Golaha Wakiillada Dawladda Puntland
E-mail: info@puntlandparliament.net