Madaxweynaha PL oo taageery go’aankii golaha wakiilada Puntland.[Video]

Gaalkacyo: 01 Luulyo 2020 : Madaxweynaha Dowladda Puntland Mudane Siciid Cabdullaahi Deni ayaa ka qeybgalay caawa Munaasabadda Xuska Sanad guurada 60-aad ee Xoriyadda iyo Midowga Soomaaliyeed.

Munaasabadda oo ka dhacday Xarunta Madaxtooyada ee Gaalkacyo, waxaa ka qeybgalay Madaxweynihii hore ee Dowladda Puntland Mudane Cabdiweli Maxamed Cali Gaas, Madaxweyne Ku-xigeenkii hore Maxamed Cali Yuusuf Gaagaab oo hadda ah Guddoonka Guddiga dib-u-eegista Dastuurka Soomaaliya, Goleyaasha Dowladda Puntland , Saraakiisha Ciidamada , Maamulka Gobolka Mudug iyo Kan degmada Gaalkacayo, odeyaaasha dhaqanka, Haweenka , Dhallinyarada, Qurbojoog, kooxaha Fanka ee Puntland iyo dadweyne kale .

Madaxweynaha Dowladda Puntland Mudane Siciid Cabdullaahi Deni ayaa hadal jeedintiisii caawa kaga hadlay guud ahaan xaaladda Soomaaliya, wuxuu Madaxweynuhu taageeray go’aankii Baarlamaanka Puntland kasoo baxay 29-kii June ee ku saabsana tallaabooyinka aan sharciga waafaqsaneen uu qaaday Baarlamaanka Federaalka Soomaaliya.

Madaxweynaha ayaa salaan ka qaatay cutubyo ka tirsan Ciidamada Dowladda Puntland oo calanka saaray saacadu markay gaartay 12-kii habeenimo. Intaasi kadibna waxaa uu ubax dhigay Taalada Calanka ee Xarunta Madaxtooyada Gaalkacyo.

no images were found

M_M_Deeq
Halgan.net