Ra’iisul wasaare JFS iyo Musharaxiinta oo shir uga furmay Hotelka Decale.[Masawiro]

Muqdisho:-Waxaa caawa ka furmay Hotelka Decale ee magaalada Muqdisho ee caasimada dalka soomaaliya shir u dhexeeya Midowga musharaxiinta iyo Ra’iisul wasaaraha dowlada Federaalka Soomaaliya Maxamed Xuseen Rooble.

Kulanka caawa waxaa uu u dhexeeya Midowga Musharaxiinta iyo Ra’iisul wasaaraha Dowladda Federaalka Soomaaliya Maxamed Xuseen Rooble iyadoo kulankaan uu noqonayo kulankii 3aad waxaan looga hadli doonaa arrimo qabyo ah oo dib loo dhigay kulamadii hore ee dhex maray labada dhinac.

Shirka caawa ayaa waxaa ka ka qeyb galaya Madaxweynaha Hirshabelle, guddoomiyaha gobolka Banaadir , Midowga Musharaxiinta iyo Ra’iisul wasaare Rooble iyo Mas’uuliyiin kale oo ka tirsan Xukuumada Federaalka Soomaaliya.

Shirka caawa u dhexeeya Midowga Musharaxiinta iyo Ra’iisul wasaaraha Dowladda Federaalka Soomaaliya Maxamed Rooble ayaa ku soo beegmay xili maanta uu baaqday shirkii wadatashiga Qaran ee Doorashooyinka ee uu ku baaqay Madaxweyne Farmaajo oo ay ka soo qayb geli lahaayeen Maamul Gobolleedyada dalka ka jira.

no images were found

A/cawaale
Halgan.net