Faahfaahin Qarax ka dhacay Hoteelka Maka Al-Mukarama ee degmada Hodan

Muqdisho:-Qarax  loo adeegsaday gaari laga soo buuxiyay walxaha qarxa ayaa maanta ka dhacay dhabarka dambe ee hoteelka Maka Al-Mukarama ee degmada Hodan ee gobalka Banaadir

Qaraxa ayaa waxaa ku dhaawacmay  askari ka mid ah ilaalada hoteelka Maka Al-Mukarama ee degmada Hodan waxaana loo qaaday mid ka mid ah Cisbitaalada Magaalada Muqdisho

Ilaa haatan lama oga cida lagu weeraray gaariga lagu xiray walxaha qarxa kaas oo la dhigay dhabarka dambe ee hoteelka Maka Al-Mukarama  balse wararka qaar ayaa sheegaya in masuuliin ka tirsan DFS ay ku sugnaayeen  hoteelka.

Ciidamo ka tirsan DFS ayaa isla markiiba soo  gaaray goobta uu qaraxa ka dhacay, iyaga oo xiray dhamaan isku socodka Degmada Hodan waxayna howlgalo ka bilaabeen guryaha ku dhow  hoteelka Maka Al-Mukarama

A/Cawale
Halgan.net