Maamulka iyo Shaqaalaha Halgan.net oo tacsi u diray dhamaan eheladii Macalin Daahir Aweys

Afgooye:Inaalillaahi  waa inaa ileyhi Raajicuun waxaa caawa deegaanka Ceelasha  Biyaha ku geeriyooday  allaha u naxriistee Shiikh Macalin Daahir Aweys oo ahaa macalin iyo Sheekh weyn oo si wey looga yaqaan gobalka Gal-gaduud iyo Soomaaliya waxaana uu ahaa macalin aad u soo baray Quraanka arday aad u tiro badan waxaana uu dhalay marxuumka Shiikh Dr.Axmed Daahir Aweys iyo Sheekh Xassan Daahir Aweys ,  oo ka mid ah culumada Soomaaliyeed.

Sh.Daahir  Aweys ayaa baryahaan danbe aad u xanuunsanaa waxaana alle uga baryeynaa in uu janadii fardowsa ka waraabiyo Maamulka iyo howl-wadeenada Halgan.net ayaa si gaar ah waxay tacsi ugu dirayaan dhamaan qaraabada iyo eheladii uu ka geeri yooday  Shiikh Daahir  Aweys gaar ahaan waxaan tacsi u direynaa si khaas ah Sheekh Xassan Daahir aweys iyo Sheekh Dr.Axmed Daahir Aweys iyo dhamaan Eheladii reer Daahir Aweys.

Sheekh Xasan Daahir Aweys ayaa si gaar ah uga waramay Halgan.net mar ay ka wareysatay taariikh nololeedkiisii iyo sida uu aabihiis ugu soo tiir iyo tacabo beelay iyo dagaaladii lala galay ciidanka dalka itoobiya 1977 waxaana wareysigaas ka qaaday wariyaha Halgan.net ee magaalada Muqdisho Cabduqaadir Cismaan xiligaas oo ay midowgii maxkamadaha islaamiga  ay ka tali nayeen magaalada Muqdisho.

A/Cawale
Halgan.net