Gaari laga soo buuxiyay walxaha qaraxa oo ku qarxay Waddada Maka Al-Mukarama

Muqdisho:-Wararka naga soo gaaraya magaalada Muqdisho ayaa sheegaya in qarax xooggan uu ka dhacay Waddada Makka Mukarama gaar ahaan meel aan ka fogeyn isgoyska Shaqlaalaha waxaana qaraxa uu ahaa Gaari laga soo buuxiyay waxyaabaha qaraxa oo ku qarxay Waddada Maka Al-Mukarama,

Gaariga qarxay ayaa waxaa looga tagay wadada dhinaceeda mana jiraan cida wax ku noqotay sida ay xaqiijiyeen goobjoogayaal ku sugan isgoyska Shaqlaalaha .

Sarkaal u hadlay ciidanka DFKM ayaa sheegay in ay ka war heleen in gaari laga soo buuxiyey walxa qarxa la soo dhigay Waddada Maka Al-Mukarama ka dibna ay xireen dhamaan wadooyinka soo gala Waddada Maka Al-Mukarama.

G/lle Dhexe Maxamed Maxamuud Garaar oo ah taliyaha Booliska ee laanta KM4 ayaa ku eedeeyey qaraxa saaka in ay ka danbeeyaan Ururka Al-Shabaab.Ilaa haatan ma jiraan cid ka tirsan Ururka Al-Shabaab oo ka hadlay qarax ka dhacay Waddada Maka Al-Mukarama.

A/Cawale
Halgan.net