Madaxweynaha dalka Ugandha oo taliye cusub u soo magacaabay ciidanka AMISOM

Kampala:-Madaxweynaha dalka Ugandha Yuweri Museveni ayaa saaka wareegto ku badalay taliyihii ciidanka AMISOM Gen. Fred Mugisha oo in mudo ah soo hayey xilka ciidamada AMISOM waxaana taliye cusub loo magacaabay  Gen. Andrew Guti

Madaxweynaha Uganda ayaa sheegay in Gen. Adrew Gute uu haatan wixii ka bilaawdo uu yahay taliyaha guud ee ciidanka AMISOM ee howlgalada lagu caawinayo DFKM ka wada Soomaaliya.

Ciidamada AMISOM ee haatan ku sugan Soomaaliya ayaa waxay ka kala yimaadeen wadamada Ugandha ,Burundi ,Kenya iyo Jabuuti waxaana la filayaa sanadkan gudahiisa in ay dalka Soo gaaraan ciidamo ka socda dalka Sierra Leon.

Taliyaha cusub ee Ciidamada AMISOM Gen. Adrew Gute  ayaa haatan ku sugan magaalada Kampala waxaan la filayaa in isbuuca soo socda uu soo gaaro magaalada Muqdisho sida ay wakaalada wararka ee AFP ay u sheegeen saraakiil ka tirsan dalka Ugandha.

C/Casiis Maxamed
Halgan.net