Dagaal culus oo ka qarxay Deegaanka Xayo iyo Arba-qarso duleedka Afmadow

Afmadow:-Wararka ka imaanaya degmada Afmadow ee Gobolka Jubada Hoose ayaa sheegaya in dagaal culus oo ay ka qeyb qaadanayaan diyaarado dagaal uu ka qarxay deegaanka Xayo iyo  Arba-qarso kaa oo u dhaxeeyay Ciidamada Kenya iyo kuwa DFKM iyo Kaambooniyiinta oo isku dhinac ah iyo Al-Shabaab.

Dagaalka xoogiisa ayaa waxaa uu si culus uga socdaa  inta u dhaxeysa deegaanada Xayo iyo Arba-qarso oo qiyaastii 17-KM u jirta degmada Afmadow, waxaana hawada ka maqan isgaarsiinta oo dhan.

Halgan.net oo xiriir la sameysay mid ka mid ah ducaada Degmada Afmadow ayaa sheegay in dagaalka iyo madaafiicda ay si xooggan uga soconayaan Deegaanka Xayo iyo Arba-qarso duleedka Afmadow.

Ciidamada DFKM  iyo kuwa Kenya ayaa Madaafiic ku asqeeyey goobaha ka fog deegaanada ay dagaalka ka socdaan taas oo sababatay barakac balaaran .

Ciidamada Kenya iyo kuwa DFKM ayaa shalay ku fashilmay in ay qabsadaan Deegaanka Xayo iyaga oo saaka duulaan ay ka qeyb qaadanayaan 4 diyaaradood soo qaaday.

Cabdi Yare
Kismaayo