Madaxweynaha DFKM Shariif sheekh Ahmed oo maanta Muqdisho dib Ugu Soo Laabtay‏

Muqdisho:-Madaxweynaha DFKM Shariif Sheekh Axmed iyo wafti uu horkacyo  ayaa maanta dib ugu soo laabtay magaalada Muqdisho ka dib markii uu socdaal shaqo ku soo maray wadadmada Itoobiya ,Kenya Ugandha, Burundi iyo South Africa

Madaxweynaha DFKM Shariif Sheekh Ahmed ayaa si weyn loogu soo dhaweeyey garoonka Diyaaradaha ee Aden Cadde waxaana ku soo dhaweeyey ku simaha Raisulwasaaraha DFKM ahna wasiirka Ganacsiga Ugaas Cabdiwahaab Ugaas Khaliif ,wasiiro ,xildhibaano iyo masuuliin ka tirsan Bulshada rayidka ah.

Madaxweyne Shariif Sheekh Ahmed oo la hadlay saxaafada ayaa hambalyo u diray ciidamada DFKM iyo kuwa AMISOM waxaana uu sheegay in guul laga gaaray dagaalkii lagula Jiray Ururka Al-Shabaab ,waxaa kale uu ka hadlay safarkii uu ku tagay dalka South Africa isaga oo sheegay in dowlada Koonfur Africa ay kala hadleen sidii loo joojin lahaa dhibaatada lagu hayo jaaliyada Soomaaliyeed uu ku dhaqan dalkaas.

C/Casiis Maxamed
Halgan.net