Dagaal ka socda degaanka Birta-dheere ee Gobolka Gedo

Gedo:-Wararka naga soo gaaray Gobolka Gedo ayaa sheegay in saaka uu dagaal u dhexeeya ciidamo soomaali ah oo kaashanaya kuwa Itoobiya iyo ciidanka ururka Al-shabaab uu ka socdo duleed ka Degmada Garbahaarey. Dagaalka xooggiisa ayaa waxaa uu ka socdaa deegaanka Birta dheere ee Duleedka Degmada Garbahaarey ee Gobolka Gedo waxaan la sheegayaa in uu ka dhashay khasaaro iskugu jira dhimasho iyo dhaawac soo kala gaaray dhinacyadda dagaalka uu u dhexeeyo.

Dagaalka ayaa la soo sheegayaa in ay qaadeen Ciidamo huwan ah oo iskugu jira Soomaali iyo ciidamo Itoobiyaan ah kuwaas oo dhawaan ku biiray ciidamada shisheeyey ee AMISOM ee ku sugan gudaha Soomaaliya si ay ula wareegaan fariisamaha ay ku leeyihiin ciidanka Al-shabaab Gobolka Gedo.

Ciidanka Soomaalida ah ee kaashanayey ciidanka Itoobiya ayaa  Sarkaal u hadlay waxaa uu sheegay in ciidankiisu ay qaadeen dagaalka haddan ay gudaha u galeen degaanka Birta Dheer halka ciidanka Al-shabaab ay dib u gurteen.

Ma jir ilaa hadda wax war ah oo ka soo baxay hogaanka ciidanka ururka Al-shabaab oo ku aadan weerarka maanta lagu soo qaaday fariisin ay ku lahaayeen  degaanka Birta dheere ee Gobolka Gedo.

A/cawaale
Halgan.net