Dagaal u dhexeeya ciidamo ka wada tirsan DFS oo ka dhacay magaalada Baydhabo

Baydhabo:-Wararka naga soo gaaraya magaalada Baydhabo ee xarunta gobalka Bay ayaa sheegaya in galabta iska hor imaad u dhexeeya ciidanka Booliska iyo kuwa Milateri uu ka dhacay Saldhiga booliska ee magaalada Baydhabo.

Iska hor imaadka ayaa waxaa ka soo baxaya warar is khilaafsan waxaana sida ay sheegayaan warar hordhac ah ku dhintay iska horimaadka Taliye kuxigeenkii Booliska Gobolka Baay G/sare Nishoow Aadan Kurtun waxaa kale oo ku dhaawacmay taliyaha saldhiga booliska ee degmada Baydhabo, Col. Dugadoow.

Ciidamada DFS iyo kuwa AMISOM ayaa gaaray Saldhiga booliska ee magaalada Baydhabo. waxaana jira askar ka tirsan labada dhinac oo uu soo gaaray dhaawac kala duwan.

Wararka ugu danbeeyey ee caawa ka imaanaya magaalada Baydhabo ayaa sheegaya in wili ay xiisan ka jirto magaalada waxaana isaga baxay ciidamo ka tirsan Booliska DFS oo ka howlgalayey magaalada Baydhabo.

A/Cawale
Halgan.net