Madaxweynaha Puntland Dr.Gaas oo safar ku tegi doono Qardho iyo Boosaaso

Garoowe:-Madaxweynaha Puntland Dr.Cabdiweli Maxamed Cali (Gaas) ayaa waxaa uu socdaal shaqo ku gaari doonaa magaalooyinka Boosaaso iyo Qardho. Wafdi hordhac ah oo ka horeeyey mdaxweynaha Puntland oo ay hogaaminayaan wasiirka caafimaadka iyo wasiirka duulista hawada ayaa soo gaaray magaalada Qardho ee xarunta Gobolka Karkaar.

Ciidamo ka tirsan kuwa Madaxtooyadda Puntland oo ka yimid magaalada Garoowe ayaa sidoo kale soo gaaray magalaada Qardho si ay u sugaan amaanka wafdiga madaxweynaha Puntland oo saacadaha soo socda laga sugayo magaalada Qardho.

Madaxweynaha dowladda Puntland Dr.C/weli Maxamed Cali Gaas ayaa waxaa uu kulamo gaar gaar ah la yeelan doonaa marka uu soo gaaro Qardho Issimada iyo waxgaradka magaalada iyo maamulka magaalada Qardho iyadoo laga wada hadli doono arrimo ay ka mid yihiin amniga iyo horumarinta degmada Qardho.

Madaxweynaha Puntland Dr.C/weli Maxamed Cali Gaas ayaa waxaa aad looga sugayaa magaalada Boosaaso ee xarunta ganacsiga Puntland maalinta Jimcaha, Madaxweynaha iyo madaxweyne ku xigeenka Puntland ayaa waxaa eedeyn kulul u soo jeediyey Xildhibaanada baarlamaanka Puntland ee ka soo jeeda Goballadda Sool iyo Sanaag iyagoo ku eedeeyey in wax jawaab ah uusan ka bixin safar uu madaxweyaha S/lland ku tegay magaalada Laasqoray.

M_M_Deeq
Halgan.net