.gif)
Qarax ka dhacay xaafada Eastleigh ee magaalada Nairobi ee xarunta dalka Kenya
March 30, 2014 - Written by Editor
Nairobi:-Wararka naga soo gaaraya magaalada Nairobi gaar ahaan xaafada Islii oo ay degan yihiin Soomaalida ayaa sheegaya in qarax uu ka dhacay.Qaraxa ayaa waxaa ku dhintay Nin loo maleynayo inuu farsameynayay walxaha qarxa waxaana marka uu qaraxu dhacay goobta ka baxsaday ilaa 3 qof oo kale .
Sarkaal ka tirsan booliska Nairobi oo lagu magacaabo Barasa Wabomba ayaa sheegay inay rumeysan yihiin in ninka ku dhintay qaraxa uu ahaa ninkii farsameynayey walxaha qarxa wuxuuna sheegay in ay baaritaano wadaan.
Ciidanka Booliska ee magaalada Nairobi ayaa soo gaaray xaafada Eastleigh iyaga oo baaritaano ka bilaabay.Barasa Wabomba oo ah sarkaal ka tirsan Booliska Nairobi aya sheegay qofka qaraxa ku dhintay in uusan ahayn Soomaali balse ay wili socdaan baaritaano.
Soomaalida ku dhaqan xaafada Islii ayaa waxaa soo wajahaday cabsi ka dib markii ciidamo badan lagu soo daadiyey xaafada Eastleigh ee magaalada Nairobi.
Halgan.net
Nairobi
