Wafdi ka socda Qaramada Midoobay oo gaaray Degmada Buulo-burte

Buulo-burte:-Wafdi ka socda Qaramada Midoobay ayaa maanta gaaray degmada Buulo-burte ee gobolka Hiiraan wafdiga ayaa waxaa hogaaminayey la taliyaha guud ee Q.M u qaabilsan dhinaca ammaanka Cumar Katiliyoone waxaana socdaalkiisa ku weheliya masuuliin ka tirsan DFS .

Guddoomiye ku xigeenka dhinaca ammaanka ee gobolka Hiiraan Khaliif Cabdi Cumar oo ku sugan Buulo-burte ayaa warbaahinta u sheegay in wafdiga ka socda QM ay u yimaadeen  degmada Buulo-burte ee gobolka Hiiraan si ay qiimeeyaan xaalada amniga iyo tan bini,aadanimo si gargaar loo soo gaarsiiyo dadweynaha ku dhaqan degmada Buulo-buurte .

Degmada Buulo-burte ee gobolka Hiiraan ayaa in mudo ah waxaa gacanta ku hayey kooxda Al-Shabaab waxaan dhibaato badan laga soo sheegayaa deegaano ka tirsan gobalada Hiiraan iyo Galgaduud xili lagu jiro wakhtigii kuleylaha

Cabdi Yare
Halgan.net