Wasiirka Waxbarashada Puntland Dr.Cali Xaaji oo shir jaraa’id ku qabtay Garoowe.[Dhagayso]

March 12, 2014 - Written by Editor

Garoowe:-Wasiirka waxbarashada dowladda Puntland Dr. Cali Xaaji Warsame ayaa maanta waxaa uu shir jaraa’id ku qabtay magaalada Garoowe isagoo cadeeyey in dowladda Puntland ay u qoondaysay Miisaaniyadda waxbarshada in la gaarsiiyo todobo boqolkiiba 7% halka markii hore ay ahayd saddex 3%.

Wasiirka waxbarashada dowladda Puntland Dr. Cali Xaaji Warsame oo saxaafadda la hadlay ayaa sheegay in uu ku faraxsan yahay in la kordhiyey miisaaniyadda loo qoondeeyey wasaaradda waxbarshada Puntland oo wasaaradihii hore ee Puntland aysan hellin.

Wasiirka waxbarashada Puntland Dr. Cali Xaaji Warsame ayaa soo dhaweeyey go’aanka uu Madaxweynaha Puntland Dr. C/weli Maxamed Cali Gaas uu ugu kordhiyey miisaaniyadda wasaaradda waxbarshada isagoo xusay in dhawaan uu soo bixi doonto wareegto lagu amrayo wasaaradda maaliyadda Puntland in ay qoon deeyaan miisaaniyadda wasaaradda waxbarshada ee Puntland.

Hoos ka Dhageyso shirka Jaraa’id ee Wasiirka waxbarashadda Puntland Dr Cali Xaaji Warsame uu ku qabtay Garoowe.