Madaxda Maamulka Jubaland iyo Koonfur galbeed oo ku sii jeeda Garoowe

Garoowe:-Waxaa saaka Magaalada Garowe ee caasimada dowladda Puntland laga sugayaa in ay soo gaaraan labo wafdi oo ay kala hogaaminayaan Madaxweynaha Maamulka Jubaland Axmed Maxamed Islaan (Axmed Madoobe) iyo Madax weynaha Koonfur Galbeed Shariif Xasan Sheekh Aadan.

Magaalada Garoowe ayaa waxaa ka socda diyaar garow xooggan oo lagu soo dhaweynayo masuuliyiintaa Maamulka Jubaland iyo Koonfur Galbeed waxaan lagu arkayaa Garoonka diyaaradaha ee Garoowe masuuliyiin ka tirsan dowladda Puntland oo ku sugan.

Socdaalka ay ku imaanayaan madaxweynayaasha Maamulka Jubaland Axmed Maxamed Islaan (Axmed Madoobe) iyo Madax weynaha Koonfur Galbeed Shariif Xassan Sh.Aadan ayaa ku soo beegmaysa xili shalay uu magaalada Garoowe si weyn loogu soo dhaweeyey madaxweynaha dowladda federaalka Soomaaliya Xassan Sh Maxamuud.

Magaalada Garoowe ayaa waxaa ka dhici doona shir wada tashi wajigiisii labaad oo loogana hadli doono Hiigsiga 2016, arrimaha Federaalka iyo xiriirka u dhexeeya dowladda Federaalka Soomaaliya iyo maamulada ka jira dalka.

M_M_Deeq
Halgan.net