Madaxweynaha Puntland oo gudoomiye cusub u magacaabay Gobolka Mudug

Gaalkacyo:-Qoraal ka soo baxay Xafiiska Madaxweynaha Puntland C/weli Maxmed Cali Gaas maanta oo Tix Lr 35, 7 April 2015 ayaa waxaa lagu magacabay Gudoomiyaha cusub ee Gobalka Mudug C/qaadir Shire Faarax Ereg. Gudoomiyaha cusub ayaa waxaa lagu bedelay Gudoomiyihii hore ee Gobolka Mudug Maxamed Yusuf Tigey oo in muddo ah hayey xilka Gudoomiyaha Gobalka Mudug isagoo wax badana ka qabtay Gobolka Mudug.

Wasaaradda arrimaha gudaha ee dowladda Puntland ayey ka timid soo jeedinta in xilka Gudoomiyaha Gobalka Mudug loo magacaabo C/qaadir Shire Faarax Ereg oo ah Qurba joog waxaan uu ka yimid dalka Maraykanka.

Xilka cusub ee maanta uu u magacaabay madaxweynaha dowladda Puntland Dr Cabdiweli Maxamed Cali Gaas Gudoomiyaha Gobalka Mudug C/qaadir Shire Faarax Ereg ayaa ku soo beegmaysa xili maanta qarax lala eegtay gudoomiye ku xigeenka gobolka Mudug Axmed Muuse Nuur.

M_M_Deeq
Halgan.net