Ergeyga gaarka ah ee Qaramada Midoobay u qaabilsan Soomaaliya oo tegay Dhuusamareeb.[Video/Masawiro]

Dhuusamareeb:-Madaxweynaha Galmudug mudane Axmed Cabdi Kaariye Qoorqoor ayaa maanta xafiiskiisa ku qaabilay wafdi uu hoggaaminayo Ergeyga gaarka ah ee Qaramada Midoobay Mudane James Swan iyo qaar ka mid ah madaxda Hay’adaha Qaramada Midoobay sida Hay’adda Cunada Aduunka ee WFP iyo Barnaamijka Horumarinta ee UNDP.

Madaxweynaha Galmudug ayaa waxaa kulanka ku wehliyay Madaxweyne ku-xigeenka Galmudug, Gud. Xigeenka Baarlamaanka GM iyo xubno ka tirsan golaha wasiirada Galmudug.Kulanka ayaa looga hadlay qorshayaasha horumarineed ee ka socda Galmudug sida horumarinta dhaqaalaha iyo adeegyada bulshada, dhismaha iyo dhameystirka dowladaha hoose, arrimaha bini’aadanimada, amniga iyo arrimaha doorashooyinka Dalka.

no images were found

Shir jaraa’id ayay si wada jir ah u qabteen Madaxweynaha Galmudug Mudane Axmed Cabdi Kaariye & Ergeyga gaarka ah ee Qaramada Midoobay u qaabilsan Soomaaliya kadib booqashadiisa maanta.

ugu danbeyntii, shirka ayaa kusoo dhamaaday si guul ah ayadoo la isku afgartay wada shaqeyn joogta ah.