Madaxwayne Axmed Islaam,oo qaabilay Guddiyada Doorashada ee Sanatarada la doortay.

Kismaayo:-Madaxweynaha Dawlada Jubaland Mudane Axmed Maxamed Islaam, ayaa xalay Aqalka martida Magaalada Kismaayo casho sharaf ugu sameeyay Gudiyada hirgalinta Doorashooyinka ee kala duwan gudoonka Baarlamaanka Jubaland iyo Xildhibaanada Aqalka Sare ee shalay la doortay.

Madaxweynaha ayaa dhammaan dhinacyadan uga mahad celiyay shaqadii wanaagsanayd ee ay qabteen maalmahii lasoo dhaafay isagoo ku booriyay in waxyaabaha dhiman iyo shaqooyinka loo baahan yahay inay sii laba jibbaaraan si arrimaha Doorashooyinku ay ugu dhacaan qaab Wanaagsan.

Jubbaland ayaa noqotay Dowladii ugu horraysay ee dhaqaajisay Tareenka Doorashada Soomaaliya iyadoo Xubnihii ugu horreeyey Aqalka Sare shalay lagu doortay Magaalada Kismaayo.

—-Dhamaad—