Ciidanka Booliska Garoowe oo gacanta ku dhigay gacan ku dhiiglihii dilay Allah u naxariistee Cabdikaafi Cabdiwaaxid

Garoowe:-Ciidamada Booliska Gobolka Nugaal oo gacanta u soo dhigay dadkii ka danbeeyey dilka aun marxuum cabdikaafi cabdixamiid warsame oo xalay lagu dilay gudaha magaladda Garoowe.

Ciidamada Booliska Gobolka Nugaal oo kaashanaya kuwa Sirdoonka ayaa xalay marka uu falkaasi dhacay waxay gudaha magalada Garoowe ka sameyeen howlgalo lagu baadi goobayo dadkii ka danbeyay dilka marxuumka oo xiliga goobta ka baxsadeen.

Baritaan dheer ka dib waxaa ciidamada alle u fududeyay inay gacanta ku soo dhigaan eedeysane Cabdikaafi Ibraahim Aadan iyo 3 dumara oo eedeysanaha ku wehelinayay dilka marxuumka.

Taliyaha qaybta Booliska Gobolka Nugaal G/sare Xussen Cali Maxamuud ayaa u mahad celiyay ciidamada Booliska kuwa Sirdoonka iyo bulshada oo gacan wayn ka gaystay qabashada eedeysanayaasha.

Taliyaha qaybta Booliska ayaa sheegay in cid walba oo fal gaysata aysan ka baxsan doonin ciidamada amaanka waxana uu bulshada uga mahadceliyay sida ay ciidamada ula shaqeyaan.

M_M_Deeq
Halgan.net