Madaxweynaha Koofur Galbeed oo gaaray magaalada Muqdisho.[Masawiro]

Muqdisho:-Madaxweynaha Dowlad Goboleedka Koofur Galbeed Cabdi casiis Xassan Maxamed Lafta-gareen iyo wafdi uu hogaaminayo ayaa soo gaaray magaalada Muqdisho ee Caasimada Dalka. Madaxweynaha Dowlad Goboleedka Koofur Galbeed Cabdi casiis Xassan Maxamed Lafta-gareen ayaa waxaa uu qayb ka noqon doonaa shirka wadatashiga Qaran ee uu Ra’iisul wasaare Roobe ku baaqay maalmo ka hor shirkaas oo Ra’iisul wasaare Roobe uu ku casumaya dhamaan Madaxda dowladda Gobolleedyada dalka.

Wafdiga Madaxweynaha Dowlad Goboleedka Koofur Galbeed Cabdi casiis Xassan Maxamed Lafta-gareen ayaa markii ay soo gaareen magaalada Muqdisho waxaa ku soo dhaweeyey Garoonka diyaaradaha ee Aadan Cadde Xildhibaano, Wasiiro ka tirsan dowladda Federaalka Soomaaliya.

Madaxweynaha Dowlad Goboleedka Koofur Galbeed Cabdi Casiis Xassan Maxamed Lafta-gareen ayaa markii uu tegay magaalada Muqdisho waxaa uu kulan gaar ah la yeeshay Ra’iisul wasaarihii hore ee dowladda Federaalka Soomaaliya Xassan Cali Kheyre waxaan ay ka wada hadleen dadaalada la doonayo uu dalka ay ka dhacdo doorasho lagu wada qanacsan yahay.

Wararka kale duwan ee ka imaanaya magaalada Muqdisho ayaa sheegaya in shirka wadatashiga Qaran ee doorashooyinka ee uu ku baaqay Ra’iisul wasaare Rooble la filayo in uu ka furmo magaalada Muqdisho maalmaha soo socda.

no images were found

A/cawaale
Halgan.net