Wafdigii u yimid Nabadaynta Boosaaso oo kulan la qaatay Agaasimihii hore ee PSF.[Masawiro]

Boosaaso:-Wafdigii Nabadeynta ee Siyaasiyiinta Puntland ee uu hogaaminayey Gudoomiyaha Baarlamaanka dowladda Puntland Abdirashid Yusuf Jibril oo ay ka mid yihiin Ra’iisul Wasaarayaashiii hore ee Soomaaliya Cumar Cabdirashiid Cali Sharmarke, Abdiweli Maxamed Ali Gaas iyo Madaxweynihii hore ee dowladda Puntland Senator Cabdiraxmaan Maxamed Maxamuud Faroole ayaa kulan gaar ah la yeeshay Agaasimihii hore ee Ciidmaada PSF ahna musharax u tartamay xilka Madaxweynanimada Puntald Gen. Asad Cismaan Cabdullaahi .

Kulanka ayaa waxaa uu ka dhacay Hoyga Gen Asad Cismaan Cabdullaahi uu ka degan yahay magaalada Boosaaso ee xarunta Gobolka Bari, Kulanka ayaa waxaa uu u badnaa is xog waraysi iyo siddii loo xoojin lahaa Baaqyadii Nabadeynta ee ay ku baaqeen Issimada, Culimada iyo dowladda Puntland.

Ra’iisul Wasaarayaashiii hore ee Soomaaliya Cumar Cabdirashiid Cali Sharmarke, Abdiweli Maxamed Ali Gaas iyo Madaxweynihii hore ee dowladda Puntland Senator C/raxmaan Faroole ayaa ka codsaday Gen Asad Cismaan Cabdullaahi in uu kala shaqeeyo siddii loo xoojin lahaa Nabadeynta maadaama uu in mudo badan uu ka soo shaqaynayey arrimaha amniga arrinkaas oo la isla qaatay

no images were found

Kulanka dhexmaray Ra’iisul Wasaarayaashiii hore ee Soomaaliya Cumar Cabdirashiid Cali Sharmarke, Abdiweli Maxamed Ali Gaas iyo Madaxweynihii hore ee dowladda Puntland Senator C/raxmaan Faroole iyo Gen Asad Cismaan Cabdullahi ayaa ku soo dhamaaday jawi is afgarad iyo guul.

M_M_Deeq
Halgan.net