Qarax miino oo ciidanka DFKM lagula beegsaday magaalada Baydhabo ee xarunta Gobolka Bay

Baydhabo:-Qarax nooca miinada ah ee dhulka lagu aaso ayaa maanta waxaa gudaha magaalada Baydhabo ee xarunta Gobolka Bay waxaa lagula beegsaday gaari Cabdi Bile ah oo ay saarnaayeen ciidamo ka tirsan DFKM , Baabuurka  miinada lagu weeraray ayaa waxaa saarnaa sarkaal ka tirsan ciidanka DFKM oo lagu magacaabo Maxamed Isaaq. Maxamed Isaaq oo ah Sarkaalka la weeraray  oo la hadlay saxaafada ayaa sheegay in wax khasaaro ah aysan ka soo gaarin weerarka isaga iyo ciidanka DFKM ee saarnaa gaariga miinada la bartilmaa saday, qarax ka dib ayaa waxaa goobta soo gaaray cidamo ka tirsan DFKM iyo kuwa Itoobiya waxaan ay soo qabteen dhow qof. Maxamed Isaaq  ayaa saxaafada u sheegay in dadka ay ku qabteen howl galka ay baaritaan ku samayn doonaa ciddii danbi uu ku soo cadaaddana ay dhawaan maxkamada horkeeni doonaa.

Ilaa iyo intii ay ciidanka DFKM iyo kuwa Itoobiya ay qabsadeen magaalada Baydhabo ee xarunta Gobolka Bay ayaa waxaa ka dhacay ilaa 2 qarax walow ilaa hadda aan si rasmi ah aysan Saraakiisha Ciidanka DFKM aysan u shaacin khasaaraha ka soo gaaray  qaraxyada ka dhacay gudaha magaalada Baydhabo.

A/cawaale
Halgan.net