Ururka Midowga Afrika, QM iyo urur goboleedka IGAD oo Warsaxaafadeed soo saaray

Nairobi:-Ururka Midowga Afrika, QM iyo urur goboleedka IGAD ayaa galabta si wadajir ah waxay u soo saareen warsaxaafadeed iyaga oo digniin u diray kooxaha ka soo horjeeda Roadmap-ka iyo in laga gudbo ku meel gaarka loona gudbo dowlad rasmi ah.

Warsaxaafadeedka ayaa waxaa kale oo lagu sheegay in ay socdaan  dadaallo xooggan oo lagu doonayo in dalka uu ka baxo xilga ku meelgaarka iyo ansaxinta Dustuur ay yeelaneyso TFG warmurtiyeeka ayaa waxaa kale oo uu xusay in ay jiraan kooxo raba in ay carqaladeeyaan qaabkii looga gudbi lahaa marxalada adeg ee dalka Soomaaliya.

Warsaxaafadeedka ay galabta si wadajir ah u soo saareen Ururka Midowga Afrika, QM iyo urur goboleedka IGAD ayaa waxaa lagu sheegay in kooxna aysan horisaagi karin dadaallada ay wadaan Ururka Midowga Afrika, QM iyo urur goboleedka IGAD waxayna sheegeen in talaabo ay ka qaadi doonaan cidii horistaagta.

Warmurtiyeedka ayaa waxaa si  wadajirka ah ugu saxiixan ergayga xoghayaha guud ee UN-ka ahna wakiilka Soomaaliya, Augustine Mahiga, wakiilka Midowga Afirka ee Soomaaliya, Abubakar Diarra iyo mas’uulka IGAD u qaabilsan dib u heshiisiinta Soomaaliya, Kiprutu Arab Kirwa.

Warsaxaafadeedkan galabta ay soo wada saareen Ururka Midowga Afrika, Qaramada Midoobay iyo urur goboleedka IGAD ayaa waxaa ka horeeyey goodi iyo cagajugleyn ay soo saareen DFKM waxaana warsaxaafadeed ka soo baxay DFKM lagu sheegay in kooxo qaswadayaal ah ay ka soo horjeedaan Roadmap iyo ansaxinta Dustuurka DFKM dowladana ay talaabo ka qaadi doonto .

Nuqul ka mid ah Warmurtiyeedka ay si wadajir ah u soo saareen Ururka Midowga Afrika, QM iyo urur goboleedka IGAD hoos ka akhriso.
AU_UN_IGAD_

A/Cawale
Halgan.net