Ciidanka Booliska gobolka Bari oo qabtay koox dil ka geystay Degmada Carmo.[Video]

Carmo:-Taliska ciidanka Booliska gobolka Bari ee Puntlan d ayaa waxaa laga soo xigtay in lagu guulaystay in lasoo qabto kooxo dhagarqabayaal ah oo dil ka geytay degmada Carmo ee gobolka Bari.

Ciidanka Booliska Gobolka Bari oo kaashanayey dadweynaha degmada Carmo oo sameeyey howl gal ayaa waxaa ay ku guulaysteen mud dhan 48 saac wax ka yar in ay qabtaan gacan ku dhiig layaal dil ugu geystay degmada Carmo Taliye ka tirsan ciidanka Booliska Gobolka Bari.

Taliyaha ciidanka Booliska qeybta gobolka Bari ee Puntland G/Sare Xuseen Cali Maxamuud oo la hadlay saxaafadda ayaa sheegay in la qabtay kooxda dilka u geystay Taliyaha si dhaqso ahna loo soo taagi doono Maxkamada.

Taliyaha ciidanka Booliska qeybta gobolka Bari ee Puntland G/Sare Xuseen Cali Maxamuud ayaa waxaa uu u mahad celiyey shacabka degmada Carmo waxaa uu ugu baaqay dad weynaha in ay la shaqeeyaan laamaha amniga si loo qabto dadka nabadiidka ah.

A/cawaale
Halgan.net