Taliyaha guud ee Ciidamada Difaaca Puntland oo tababar u oo xiray Guutada Gama’diid (Masawiro)

Xarfo:-Guddiga dib u habaynta Ciidamada Dowladda Puntland ayaa xerada Abqaale ee degmada Xarfo tababar ugu soo xiray cutubyo ka tirsan Ciidamada Dowladda Puntland.Wasiirka Maaliyadda, Mudane Xasan Shire, Wasiirka amniga Mudane Cabdisamad Maxamed Gallan iyo Taliyaha Guud ee Ciidamada Dowladda Puntland S/Gaas Yaasiin Cumar Dheere ayaa tababarkan u soo xiray dufcaddii ugu horraysay ee ka baxda dugsiga Abqaale, iyadoona loo bixiyey Guutada Gama’diid.

Wasiirka Maaliyadda ayaa ka hadley sida ay dawladda Puntland uga go’an tahay dib u dhiska iyo dib u habaynta ciidamadda dowladda, wuxuuna sheegay mar kasta inuu Ahmiyad wayn siinayo bixinta mushahaarka iyo xuquuqda ciidamaddu ku leeyihiin dowladda Puntland.

Taliyaha Guud ee Ciidamada S/Gaas Yaasiin Cumar Dheere ayaa boogaadin u soo jeediyey masuuliyinta Maamulka ,saraakiisha iyo macalimiintii qabtay shaqada wanaagsan ee dhameystirka tababarkan ayna kor u qaadayaan mar kasta aqoonta iyo xirfadda Ciidamada Dowladda Puntland.

no images were found

—–Dhamaad—