Sh.Maxamed Cabdi Umal oo booqday xarumaha dacwada ee magaalada Jigjiga(Masawiro)

Jigjiga:-Sh.Maxamed Cabdi Umal oo socdaal dacwo ku jooga magaalada Jigjiga ayaa maanta waxaa uu booqday Iskoolka Al-Nibraas labadiisa qeybood iyo iskoole kale sida Iskuulka Cumar Ibnu Khadaab. Sheekh.Maxamed Cabdi Umal ayaa waxaa socdaalkiisa booqashada ku weheliyey culumada iyo Ducaada magaalada Jigjiga waxay sidoo kale kormeer ku tageen Community School.

Sh.Umal ayaa aad ula dardaarmay ardaydii dhamaan iskuulada iyo Macaahida Islaamiga ee uu booqaday wuxuuna aad ugu dhiiri galiyey barashada diinta islaamka iyo in loo istaago in dacwada la faafiyo. Sheekh Maxamed Cabdi Umal ayaa sidoo kale ardayda waxaa uu ku waaniyey in ay bartaan cilmiga maadiga si looga maarmo gaalada ayna wax u taraan umada Islaamka.

Sheekh Maxamed Cabdi Umal ayaa sii joogi doona dhowr maalmood magaalada Jigjiga waxaana  la filayaa in uu socdaal dacwo ku gaaro gobalada kale ee DDS. Ardayda uu soo booqday Sh.Maxamed Cabdi Umal iyo culumada kale ayaa aad ugu farxay booqashada Sheekha waxayna codsadeen in culumada kale ay sidaas u soo booqdaan

no images were found

Gobalka Soomaali Galbeed (Ogaadeeniya) ayaa waxaa haatan si weyn uga hana qaaday dacwada waxaana dardar ku socda horumarka dacwada iyo mashaariicda Musasada Al-Suna ay ka fulinayso iyada oo haatan gacanta ku heysa iskuulo iyo Macaahid tiro badan

Halgan.net
Al-Suna
-Jigjiga