Qarax Khasaaro geystay oo ka dhacay Is-goyska Baar Ubax ee magaalada Muqdisho

Muqdisho:-Wararka naga soo gaaraya magaalada Muqdisho ayaa sheegaya in qarax khasaaro qeystay uu ka dhacay goordhow  isgoyska Baar Ubax ee Magaalada Muqdisho waxaana la xaqiijiyey in qaraxa uu ahaa miino dhulka loogu aasay ciidamada DFKM oo howlgalo ku jiray. Qaraxa ayaa waxaa uu sababay dhaawac sadex ruux waxaana ku dhintay qaraxa laba qof oo kale dadka dhintay iyo kuwa dhaawaca ah ayaa ah asakar ka tirsan DFKM iyo dad rayid ah.Ciidamada DFKM ee qarax lagu weeraray ayaa furay rasaas badan waxayna bilaabeen intaas ka dib  howlagallo ay dad ku soo qab qabteen waxaa sidoo kale hakad galay  isku socodka dadka iyo gaadiidka isgoyska Baar Ubax ee Magaalada Muqdisho.Ilaa haatan ma jiraa cid sheegatay qarax ka dhacay isgoyska Baar Ubar ee Magaalada Muqdisho kaas oo sababay khasaaro leh dhimasho iyo dhaawac.A/Cawale
Halgan.net