.gif)
Banaanbax DFS looga soo horjeedo oo ka socda magaalada Baydhabo
August 31, 2013 - Written by EditorBaydhabo:-Wararka naga soo gaaraya Magaalada Baydhabo ee xarunta Gobalka Baay ayaa sheegaya in banaanbax looga soo horjeedo DFS uu ka socdo magaalada baydhabo
Banaanbaxa ayaa waxaa ka qeyb galay dadweyne badan kuwaas oo ka careysan siyaasada DFS waxaana ay socod dheer ku soo mareen wadooyinka magaalada baydhabo ee xarunta gobalka Bay.
Qabanqaabiyaasha Banaanbaxa ayaa warbaahinta u sheegay in ujeedada banaanbaxa uu yahay in beelaha Digil iyo Mirifle ay shucuurkooda ku muujiyaan in ay diidan yihiin heshiiskii dhexmay DFS iyo Maamulka J /land.
Siyaasiyiin ka tirsan beesha Digil iyo Mirifle ayaa sheegay in DFS uga baxday balantii ay la gashay oo ahayd in 6 gobal loo sameeyo hal maamul gobaleed.
Banaanbaxa ayaa waxaa sidoo kale ka qeyb galay qaar ka mid ah waxgaradka iyo malaaqyada beesha Digil Iyo Mirifle .
A/Cawale
Halgan.net
