.gif)
Ciidamada DFS oo howgalo ka sameeyey magaalada Baydhabo ee xarunta gobalka Bay.
August 25, 2013 - Written by Editor
Baydhabo:-Wararka naga soo gaaraya magaalada Baydhabo ee xarunta gobalka Bay ayaa sheegaya in maanta howlgalo ay ciidanka DFS ay ka sameeyeen xaafado ka tirsan magaalada Baydhab. Ciidanka DFS ayaa saaka baaritaano iyo howlgalo ka sameeyey xaafadaha Isha iyo Berdaale ee Magaalada Baydhabo waxayna halkaas ku soo qabteen rag looga shakisan yahay in ay ka tirsan yihiin kooxda Al-Shabaab.
Ciidamada DFS oo ay weheliyaan kuwa Nabad Suggida ayaa baaritaano ku sameeyey sidoo kale dukaamo iyo Bakhaaro ku yaal magaalada Baydhabo waxaana ay sheegeen in ay soo qabteen hub iyo walxaha Qarxa.
Sarkaal ka tirsan DFS G/sare Isaaq Cabdi oo ka mid ah saraakiishii DFS ee ku sugan Baydhabo ayaa saxaafada u sheegay in ay hub iyo walxaha qarxa ay soo qabteen isaga oo sheegay in howlgalada ay sii socon doonaan.
A/Cawale
Halgan.net
