Ciidanka amaanka ee magaalada Boosaaso oo qabtay lacag been Abuur ah

Boosaaso:-Ciidanka Booliska ee magaalada Boosaaso ee xarunta Gobolka Bari ayaa maanta ku guuleystay in ay gacanta ku dhigaan lacag faro badan oo been abuur ah waxaana ay ciidanka ku qabteen Kontaroolka magaalada Boosaaso ee xarunta gobalka Bari. Wasiir ku-xigeenka maaliyadda ee Puntland C/raxmaan Xaaji Xassan ayaa faahfaahin ka bixiyey lacagta ay maanta qabteen ciidanka amaanka mar uu shir-jaraa’id ku qabtay xarunta bankiga dhexe ee Puntland gaar ahaan xarunta Boosaaso.

Wasiirka ayaa sheegay in lacagta ay qabteen ciidanka amaanka ay gaareyso 100,000,000 (boqol miyan) wuxuuna sheegay in lacagta ay ka timid gobollada dhexe ee dalka Soomaaliya oo bilihii u danbeysay ay aad ugu bateen Mashiinada lagu sameeyo lacagaha been Abuurka ah Wasiir ku-xigeenka maaliyadda ee Puntland C/raxmaan Xaaji Xasan ayaa sheegay sidoo kale in ay gacanta ku dhigeen dhowr qof oo siday lacagta iyo gaarigii ay wateen.

M_M Deeq
Halgan.net