Ciidanka Booliska Xasbahale ee Gobolka Nugaal oo qabtay nin ka tirsan Al-shabaab

Garoowe:-Ciidanka  Booliska Puntlland ee deegaanka Xasbahale ee Gobolka Nugaal ayaa waxaa ay qabteen nin dhalin yaro ah oo isagu yimid degaanka ka dibna ay dadweynaha ku nool degaanka Xasbahale ay wargeliyeen ciidanka Booliska ka dibna markii ay ka shakiyeen. Gudoomiye ku xigeenka Degmada Eyl Faysal Khaliif Wacays oo la hadlay saxaafada ayaa sheegay in dadweynuhu ay la soo xiriireen ciidanka Booliska ka dibna ay ciidanku qabteen ninkaan dhalinyarada ah oo ahaa nin aad u rafaadsan kana yimid Koonfurta Soomaaliya.

Gudoomiye ku xigeenka Degmada Eyl Faysal Khaliif Wacays ayaa xusay in ciidanku ay u qaadeen ninkaan dhalinyarada ah magaalada Garoowe ka dibna ay waraysteen uuna qirtay in uu ka mid yahay ururka Al-shabaab ayna ahaayeen ilaa 3 dhalinyaro ah oo doonayey in ay dilal ka fuliyaan Puntlland.

Gudoomiye ku xigeenka Degmada Eyl Faysal Khaliif Wacays ayaa sheegay in saddexdaan nin  ee dhalinyarad ah loo soo kala diray  Gobollada Mudug , Nugaal iyo Bari si ay dilal iyo qaraxyo uga fuliyaan. Ciidanka Booliska ayaa ku howlan in ay qabtaan labadii nine ee kale oo iyagu warar soo baxay ay sheegayaan in ay aadeen Gobolka Bari iyo Mudug si ay uga fuliyaan dilal iyo qaraxyo ay u geystaan haldoorka ku nool gobolladaas.

M_M_Deeq
Halgan.net