Ciidanka Melatariga oo Xaalad Degdeg ah ku soo rogay dalka Masar

Qaahira:-Ciidamada Melitariga ee dalka Masar ayaa Xaalad degdeg ah ku soo rogay dalka Masar ka dib xasuuqii ay ka geysteen maanta Fagaaraha Al Nahda iyo fagaaraha Rabaa al cadawiya ee xaafada Nasr City halkaas oo ay ku sugnaayeen taageerayaash Madaxweynihii la doortay Dr.Maxamed Morsi.

Ciidamada Melitariga oo adeegsanaya Diyaarado iyo rasaas nool ayaa ku xasuuqay Fagaaraha Al Nahda iyo Fagaaraha Rabaa al cadawiya ee xaafada Nasr City dadweyne gaaraya boqolaal waxaana dhaawaca uu sii marayaa ilaa 2000 oo qof wararkii ugu danbeeyey ee ka imaanaya dalka Masar ayaa sheegaya in ciidanka ay gubeen meyd si aan loo aqoonsan tirada rasmiga ah ay dileen.

Ciidamada Melitariga ee dalka Masar ayaa si xoog ah kula wareegay Fagaaraha Al Nahda oo u dhaw jaamacada Qaahira ee ku taal degmada Giza ee magaalada Qaahira iyo iyo fagaaraha Rabaa al cadawiya ee xaafada Nasr City.

Dadweynaha dalka Masar ayaa caawa waxay ka dhigayaan Banaanbaxyo waaweyn gobalada dalka Masar waxaana la gubay xarumo badan oo ay leeyihiin ciidanka amaanka dalka Masar.

A/Cawale
Halgan.net