Jamaacada Al-ictisaam Bilkitaabi Wassunnah oo munaasabada Ciid Alfidriga tahniyad dirtay

Jamaacada Al-ictisaam Bilkitaabi Wassunnah oo munaasabada Ciid Alfidriga tahniyad u dirtay muslimiinta gaar ahaan Shacabka Soomaaliyeed بسم الله الرحمن الرحيم، الحمد لله رب العالمين، وصلى الله وسلم على نبينا محمد وعلى آله وصحبه Jamaacada Al-ictisaam Bilkitaabi Wassunnah waxay ummadda muslimiinta ugu tahniyadaynaysaa munaasabada Ciid Alfidriga ee barakaysan, waxayna Ilaahay ka baryaysaa inuu Ciidaan teeda kale ummadda ku gaarsiiyo nabadgalyo, iimaan iyo barako.

Sidoo kale jamaacadu waxay shacabka Soomaaliyeed ugu tahniyadaynaysaa munaasabada Ciid Alfidri, waxayna ugu baaqaysaa toobad suuban, inay dadaal dhab ah galiyaan isu raadinta iyo midaynta bulshada, ayna iska tuuraan loolanka muddada dheer ka dhexsocday. Ilaahayna waxaan ka rajeynaynaa inuu arrintaas xaqiijiyo, ummaddayadana ugu kaalmeeyo.

Wabillaahi Altowfiiq

Sh. Axmed C/samad
Guddoomiyaha Golaha Fulinta