Madaxweynaha Puntland Dr.Cabdiraxmaan Faroole oo u dhoofay Nairobi.

Garoowe:-Madaxweynaha Puntland Dr.Cabdiraxmaan Sh.Maxamed Faroole ayaa maanta u dhoofay magaalada Nairobi ee xarunta dalka Kenya, waxana socdaalkiisa ku wehelinayay wasiirka arrimaha gudaha Gen.Claahi Ilka jiir, wasiirka Amniga Khaliif Ciise Mudan, wasiirka Caafimaadka Dr.Cali Cabdulahi iyo saraakiil ka tirsan Puntland.

Madaxweynaha Dowladda Puntland Dr.Cabdiraxman Sheekh Maxamed Faroole ayaa warbaahinta u sheegay in ay casumaad ka heleen EU oo ay kulamo kala duwan la qaadan doonaan beesha caalamka. Madaxweynaha Puntland ayaa waxaa ku sii sogootiyey garoonka diyaaradaha ee magaalada Garoowe madax ,wasiiro,iyo xildhibaano ka tirsan golaha baarlamaanka Puntland.

Mar uu Madaxweynaha Puntland ka hadlay Doorashooyinka madaxtinimo ee Jan, 2014 ka dhacaysa Puntland waxaa uu sheegay in uu yahay musharax u taagan xilkaas waxaana uu sheegay in uu soo dhaweynayo cid walba oo doorasho ka qeyb galeysa ama ku guuleysata.

Madaxweynaha Puntland Dr.Cabdiraxmaan Sheekh Maxamed Faroole ayaa ugu danbeyntii ugu baaqay dhamaan dadweynaha iyo maamulka Puntland in ay ku faro adeygaan amaanka ka jira Puntland waxaa kale oo baaq u diray isimada Puntland wuxuuna ugu baaqay in ay soo xulaan xildhibaano tayo leh daacadna u ah Puntland.

M_M Deeq
Halgan.net